Tamalez, askotan, bizitza arriskuan jartzen da BIZITZA bera defendatzerako orduan… errefuxiatutako pertsonen bizitza, emakumeena eta Ama Lurrarena, kasu.
Finantza sistemaren eta enpresari nagusien boterea (nagusiki gizonezkoena) hazten den bitartean, murriztu eta desagertu egiten dira askatasunak zein herrien eta pertsonen eskubideak. Gaur egun, jazarri eta kriminalizatu egiten dira emakumezkoak eta gizonezkoak; zehazki, eskubide horiek defendatzeagatik, horien urraketa salatzeagatik, edota botere horiei zein sistema menperatzaileari aurre egiteagatik.
Hiru mahai-ingururen bitartez, Euskal Herriko eta Latinoamerikako eskubide defendatzaileekin elkarbanatutako gogoetak aurkezten dizkizuegu.